भुसावळ स्थानकावर ‘ऑपरेशन यात्री सुरक्षा’ची कारवाई चोरीचे 2 मोबाइल जप्त; संशयित जीआरपीच्या ताब्यात

भुसावळ प्रतीनीधी गोपी अण्णा दि 23/2026 मध्य रेल्वेच्या भुसावळ विभागातील भुसावळ रेल्वे स्थानकावर ‘ऑपरेशन यात्री सुरक्षा’अंतर्गत रेल्वे सुरक्षा दलाने (RPF) सतर्कता दाखवत मोबाइल चोरीच्या प्रकरणात एका संशयिताला ताब्यात घेतले. त्याच्याकडून अंदाजे 24 हजार रुपये किमतीचे दोन मोबाइल फोन जप्त करण्यात आले. पुढील कायदेशीर कारवाईसाठी संशयितास जीआरपी, भुसावळ यांच्या ताब्यात देण्यात आले.22 ऑगस्ट रोजी भुसावळ रेल्वे स्थानकावरील प्लॅटफॉर्म क्रमांक 8 वरील कचराकुंडी परिसरात आरक्षक देवेंद्र दीक्षित, सिडीपीएस ड्युटीवरील प्र.आ. इमरान खान व प्र.आ. महेंद्र कुशवाहा यांना एक व्यक्ती संशयास्पदरीत्या फिरताना आढळून आली. चौकशी केली असता त्याने समाधानकारक माहिती न दिल्याने त्याला आरपीएफ पोस्टवर आणण्यात आले.उपनिरीक्षक सुदामा यादव यांनी त्याची सखोल चौकशी केली. त्याने आपले नाव सादिक शाह मोहम्मद शाह (वय २७, रा. मलकापूर) असे सांगितले. पंचांच्या उपस्थितीत झडती घेतली असता त्याच्या पॅन्टच्या खिशातून दोन मोबाइल फोन आढळून आले.यामध्ये Vivo Y-21 (आकाशी रंग) अंदाजे किंमत 12 हजार रुपये आणि Realme C-35 (काळा रंग) अंदाजे किंमत 11 हजार रुपये अशा एकूण 23 हजार रुपये किमतीच्या मोबाइलचा समावेश आहे. चौकशीदरम्यान हे मोबाइल भुसावळ स्थानकावर उभ्या असलेल्या रेल्वेगाडीतून चोरी केल्याची कबुली त्याने दिल्याचे आरपीएफने प्रसिद्धीपत्रकात नमूद केले आहे.सदर संशयितास पुढील कायदेशीर कार्यवाहीसाठी जीआरपी भुसावळ यांच्या ताब्यात देण्यात आले. याप्रकरणी CR No. 35/2026, कलम 124 MPA अंतर्गत त्याचे आरोपी म्हणून नामनिर्देशन करण्यात आले आहे प्रवाशांच्या सुरक्षेसाठी आरपीएफची दक्षता रेल्वे प्रवाशांची सुरक्षितता आणि त्यांच्या मालमत्तेचे संरक्षण यासाठी आरपीएफकडून ‘ऑपरेशन यात्री सुरक्षा’अंतर्गत स्थानकांवर सातत्याने गस्त व निगराणी ठेवण्यात येत आहे. संशयास्पद हालचाली तसेच चोरीसारख्या घटनांवर प्रभावीपणे लक्ष ठेवले जात असल्याचे आरपीएफकडून सांगण्यात आले