पुण्यश्लोक अहिल्यादेवी होळकर पुरस्कार प्रदान सोहळा : सामाजिक कार्यासाठी संगिताताई मालकर यांचा गौरव

अहिल्यानगर : महाराष्ट्र शासनाच्या महिला व बालकल्याण विभागातर्फे दिला जाणारा जिल्हास्तरीय पुण्यश्लोक अहिल्यादेवी होळकर पुरस्कार आज अहिल्यानगर येथील कलेक्टर कार्यालयात उत्साहात वितरित करण्यात आला. सामाजिक क्षेत्रात उल्लेखनीय कार्य केल्याबद्दल संगिताताई मालकर यांना या मानाच्या पुरस्काराने गौरविण्यात आले.हा पुरस्कार महाराष्ट्र राज्याचे जलसंपदा मंत्री तसेच अहिल्यानगर जिल्ह्याचे पालकमंत्री राधाकृष्ण विखे पाटील यांच्या हस्ते प्रदान करण्यात आला. यावेळी उपस्थित मान्यवरांच्या साक्षीने संगिताताई मालकर यांनी सन्मान स्वीकारला.महिला व बालकल्याण क्षेत्रात सातत्यपूर्ण, परिणामकारक आणि समाजाभिमुख कार्याची दखल घेत शासनातर्फे हा सन्मान प्रदान करण्यात येतो. संगिताताई मालकर यांनी महिलांच्या सक्षमीकरणासाठी, बालकल्याणासाठी आणि सामाजिक जागृतीसाठी केलेल्या कामाची दखल घेऊन त्यांची निवड करण्यात आली.कार्यक्रमाचे आयोजन महिला व बालकल्याण विभाग, महाराष्ट्र शासन यांच्यावतीने करण्यात आले होते. कलेक्टर कार्यालयातील या सोहळ्याला विविध अधिकारी, कर्मचारी व सामाजिक क्षेत्रातील मान्यवर उपस्थित होते या सन्मानामुळे परिसरात संगिताताई मालकर यांचे कौतुक होत असून, त्यांच्या कार्याला शासनमान्यता मिळाल्याने सामाजिक क्षेत्रात काम करणाऱ्यांना प्रेरणा मिळणार आहे.
ह्या माहितीमध्ये काय बदल करावा लागे ते सांगा..