जिल्हा जळगाव खानदेशचे ग्रामदैवत कानबाई माता उत्सव भडगाव येथे मोठ्या भक्तीभावाने साजरा

भडगाव (प्रतिनिधी ) विजय माळी
विष्णू केशव माळी यांच्या परिवारात उत्साहाचे वातावरण खानदेशची कुलस्वामिनी आणि ग्रामदैवत असलेल्या कानबाई माता उत्सव आजही श्रावण महिन्यात संपूर्ण खानदेशात मोठ्या भक्तीभावाने आणि परंपरेने साजरा केला जातो. याच परंपरेनुसार, भडगाव येथील रहिवासी विष्णू केशव माळी आणि त्यांच्या कुटुंबीयांनी यंदाही कानबाई माता उत्सव अत्यंत श्रद्धापूर्वक आणि भव्य स्वरूपात साजरा केला.श्रावण महिन्यातील पवित्र पर्वावर कानबाई मातेच्या स्वागतासाठी माळी परिवाराने घराची विशेष सजावट केली होती. रविवारी माता कानबाई यांच्या मूर्तींची अत्यंत शास्त्रोक्त पद्धतीने आणि पारंपरिक रीतीने स्थापना करण्यात आली. या निमित्ताने संपूर्ण माळी कुटुंबीयांमध्ये आणि भडगाव परिसरात आनंदाचे व भक्तीचे वातावरण पाहायला मिळाले.उत्सवादरम्यान मातेची महाआरती, भजन आणि कानबाई वही गायनाचे आयोजन करण्यात आले होते. खानदेशी परंपरेनुसार कानबाई मातेला खास ‘रोट’ आणि खिरीचा नैवेद्य अर्पण करण्यात आला. या मंगल प्रसंगी विष्णू केशव माळी यांच्या परिवारासह नातेवाईक, मित्रपरिवार आणि गावातील भाविकांनी कानबाई मातेच्या दर्शनाचा लाभ घेतला. ‘कानबाई माता की जय’ च्या जयघोषाने संपूर्ण परिसर दुमदुमून गेला होता. शेकडो वर्षांची ही खानदेशी संस्कृती आणि परंपरा माळी परिवाराने आजही तितक्याच उत्साहाने जपल्याचे या निमित्ताने दिसून आले. कानबाई मातेच्या कार्यक्रमाला अविनाश महाजन, रमेश महाजन, जितेंद्र महाजन, शशिकांत महाजन, गणेश महाजन, प्रदीप महाजन पुणे, विजय माळी (पत्रकार ), विनोद महाजन एरोंडोल,दीपक माळी व इतर नागरिकांची उपस्थिती होती.