संमिश्र न्यूज जळगाव भुसावल ताज्या घडामोडी जिल्हा जळगाव प्रवाशांच्या सुख सुविधा साठी रेल्वे स्थानकाच्या शिवाजी नगर भागाकडून येणाऱ्या रेल्वे प्रवाशांसाठी तिकीट खिडकी सुरू ////////भुसावळ येथील रक्षाबंधनाच्या निमित्ताने गुरुमाऊलींच्या पावन सानिध्यात राखी पौर्णिमेचा सोहळा संपन्न

भुसावल प्रतिनिधी गोपी अण्णा
खासदार स्मिता वाघ यांच्या हस्ते उद्घाटन ; शिवाजीनगर परिसरातील प्रवाशांची मोठी सोय
प्रवाशांना अधिक सुलभ सोयीस्कर आणि जलद तिकीट सुविधा उपलब्ध करून देण्याच्या उद्देशाने जळगाव रेल्वे स्थानकाच्या शिवाजीनगर बाजूस नूतनीकृत रेल्वे तिकीट खिडकीची सुविधा गुरुवार, 27 ऑगस्ट 2026 पासून सुरू करण्यात आली.या नूतनीकृत तिकीट कार्यालयाचे उद्घाटन खासदार श्रीमती स्मिता वाघ यांच्या हस्ते करण्यात आले. यावेळी आमदार राजू मामा भोळे, विभागीय रेल्वे व्यवस्थापक पुनीत अग्रवाल, वरिष्ठ शाखा अधिकारी, स्टेशन प्रबंधक, रेल्वे कर्मचारी तसेच प्रवासी व नागरिक उपस्थित होते.शिवाजीनगर बाजूस तिकीट खिडकी सुरू झाल्यामुळे या परिसरातील तसेच लगतच्या भागातील प्रवाशांना रेल्वे तिकीट काढण्यासाठी स्थानकाच्या मुख्य प्रवेशद्वारापर्यंत जाण्याची आवश्यकता राहणार नाही. त्यामुळे प्रवाशांचा वेळ वाचण्याबरोबरच तिकीट खरेदीसाठी होणारा अतिरिक्त प्रवास आणि त्रास कमी होणार आहे.या तिकीट खिडकीवर केवळ अनारक्षित रेल्वे तिकिटांची सुविधा उपलब्ध राहणार आहे. प्रवाशांच्या सोयीसाठी तिकीट खिडकीचे संचालन दोन शिफ्टमध्ये करण्यात येणार आहे.प्रथम शिफ्ट : सकाळी 6 ते दुपारी 2 वाजेपर्यंत द्वितीय शिफ्ट : दुपारी 2 ते रात्री 10 वाजेपर्यंत भुसावळ विभागाकडून प्रवाशांना सुरक्षित, सुलभ, आरामदायी आणि प्रवासी-केंद्रित सेवा उपलब्ध करून देण्यासाठी विविध उपाययोजना सातत्याने राबविण्यात येत आहेत. त्याचाच एक भाग म्हणून शिवाजीनगर बाजूस सुरू करण्यात आलेल्या या सुविधेमुळे या मार्गाने रेल्वे स्थानकात ये-जा करणाऱ्या प्रवाशांची मोठी सोय होणार आहे.
प्रवाशांनी नूतनीकृत तिकीट खिडकीच्या सुविधेचा लाभ घ्यावा, असे आवाहन मध्य रेल्वेच्या भुसावळ विभागातर्फे करण्यात आले आहे.
भुसावळ येथे गुरुमाऊलींच्या पावन सान्निध्यात राखी पौर्णिमेचा भक्तिमय सोहळा सुराणा साधना भवनमध्ये जप-तप, भक्तिगीतांनी रंगला उत्सव; 300 भाविकांचा उत्स्फूर्त सहभाग पूज्य जैन गुरुमाऊली सम्यक् दर्शनाजी म. सा. आदि ठाणे तीन यांच्या पावन सान्निध्यात शहरातील सुराणा साधना भवन येथे राखी पौर्णिमेचा धार्मिक व भक्तिमय सोहळा मोठ्या उत्साहात साजरा करण्यात आला. गुरुमाऊलींच्या अमृतवाणीतून राखी पौर्णिमेचे आध्यात्मिक महत्त्व उलगडले, तर जप-तप व भक्तिगीतांनी संपूर्ण परिसर भक्तिरसात न्हाऊन निघाला.सुराणा साधना भवन येथे गुरुमाऊलींचे प्रवचन दररोज सकाळी 8.45 ते 10.55 या वेळेत सुरू आहे. दि. 28 ऑगस्ट रोजी राखी पौर्णिमेनिमित्त विशेष कार्यक्रमाचे आयोजन करण्यात आले होते. यावेळी जैन बंधू-भगिनींनी मोठ्या संख्येने उपस्थित राहून राखी उत्सव उत्साहात साजरा केला.कार्यक्रमात भाविकांनी जप, तप, भक्तिगीते आणि धार्मिक उपक्रमांमध्ये उत्स्फूर्त सहभाग घेतला. गुरुमाऊलींनी आपल्या प्रवचनातून राखी पौर्णिमेचे धार्मिक, सामाजिक व आध्यात्मिक महत्त्व स्पष्ट करून उपस्थित भाविकांना मार्गदर्शन केले. गुरुमाऊलींच्या पावन वाणीतून मिळालेल्या विचारांनी उपस्थित भाविक भारावून गेले. सोहळ्यास सुमारे दोनशे ते तीनशे भाविक भक्तजनांची उपस्थिती होती. भक्ती, श्रद्धा आणि उत्साहाने नटलेल्या वातावरणात राखी पौर्णिमेचा हा सोहळाअविस्मरणीय ठरला.यावेळी संघपती जयंतीलाल सुराणा, जे. बी. कोटेचा, अशोक सुराणा, धरमचंद चोपडा, सुरेशचंद्र देवडा, कांतीलाल चोरडिया, गौतम चोरडिया, अतुल ताथेड, अशोक डोसी, राजेश बाफना, विनोद मेहता, राजेश मेहता, राजेश छाजेड, महेंद्र सुराणा, विशाल चोरडिया, उत्तमचंद कोटेचा, सुरेशचंद्र कुमट, दिनेश संचेती, विनोद डोसी, बन्सीलाल चिप्पड, आर. बी. चोपडा यांच्यासह मोठ्या संख्येने जैन समाजातील बंधू-भगिनी उपस्थित होते.
गुरुमाऊलींच्या सान्निध्यात साजऱ्या झालेल्या या राखी पौर्णिमा उत्सवाने भुसावळ नगरीत भक्ती, श्रद्धा आणि आनंदाचे वातावरण निर्माण झाले.