जळगाव शहरातील अतिक्रमित 13 एकर शासकीय जागेवरील झोपड्यांवर चालणार महानगर पालिकेचा बुलडोझर! शिरसोली रोडवरील स्लॉटर हाऊस’ची जागा होणार अतिक्रमण मुक्त; महापौर दीपमाला काळे यांचे आदेश सरकारी जागेवर अतिक्रमण दिवसें दिवस वाढत असल्याने सरकारी यंत्रणेसाठी लागणारी जागा महानगर पालिका विकत घेणार का? त्यामुळे अतिक्रमण मोहीम ही जळगावच्या विकासा साठी महत्वपूर्ण ठरणार अतिक्रमण नोटीस देऊनही हलवले नाही तर पोलीस बंदोबस्तासह अतिक्रमण हटविण्यात येईल

जळगाव: शिरसोली रोडवरील महानगरपालिकेच्या मालकीच्या १३ एकर (स्लॉटर हाऊस परिसर) जागेवरील अनधिकृत अतिक्रमणांचा प्रश्न आता मार्गी लागणार आहे. या जागेवरील सर्व अतिक्रमणे येत्या चार दिवसांत पोलीस बंदोबस्तात हटवण्याचे स्पष्ट आदेश महापौर दीपमाला काळे यांनी महानगर पालिकेच्या अतिक्रमण विभाग आणि संबंधित विभागांना दिले आहेत मोहाडी रस्त्यावरील गट नंबर ६० मधील ‘५ हेक्टर ४ आर’ म्हणजेच सुमारे १३ एकर ही जागा महानगरपालिकेच्या मालकीची आहे ही जागा ‘स्लॉटर हाऊस’ म्हणून ओळखली जाते पूर्वी या ठिकाणी कत्तलखाना होता मनपाने ही जागा अटलांटा कंपनीला वापरण्यासाठी दिली होती. मात्र, गेल्या काही काळापासून या मोकळ्या जागेवर अनधिकृत झोपडपट्टीधारकांनी मोठ्या प्रमाणावर अतिक्रमण करून आपले बस्तान बसवले होते.विकासासाठी उचलले पाऊल महानगरपालिकेची ही मौल्यवान जागा अतिक्रमणामुळे अडकून पडली होती. या जागेचा विकास करण्याचा मानस महापौर दीपमाला काळे यांनी व्यक्त केला आहे. या पार्श्वभूमीवर, महापालिकेने परिसराची प्रत्यक्ष पाहणी केली. प्रशासनाकडून येथील झोपडपट्टीधारकांना यापूर्वीच नोटिसा बजावण्यात आल्या होत्या, मात्र संबंधितांनी अतिक्रमण स्वतःहून हटवले नाही.पोलीस बंदोबस्तात कारवाई होणार अतिक्रमण धारकांनी नोटिसला केराची टोपली दाखवल्याने आता महापौरांनी दिलेल्या आदेशानुसार प्रशासनाने आक्रमक पवित्रा घेतला आहे. महापौरांनी दिलेल्या आदेशानुसार, पुढील चार दिवसांत पोलीस प्रशासनाच्या मदतीने या ठिकाणी मोठी मोहीम राबवण्यात येणार आहे. अतिक्रमण विभागाच्या पथकाद्वारे ही संपूर्ण १३ एकर जागा रिकामी करून घेतली जाईल, जेणेकरून भविष्यातील विकासकामांचा मार्ग मोकळा होईल.