NEWS CITY 85 चैनल ची बातमी महत्त्वाची खुलासेवार// वरणगाव फॅक्टरीच्या इतिहासात प्रथमच महिलेची महासचिवपदी निवड श्रीमती जयश्री राकेश झोपे यांची युनियनच्या महासचिवपदी निवड; नारीशक्तीला नेतृत्वाची संधी
भुसावल प्रतिनिधी गोपी अण्णा जि: जळगाव ता; भुसावळ वरणगाव फॅक्टरीच्या इतिहासात प्रथमच एका महिलेची कामगार संघटनेच्या महत्त्वाच्या पदावर निवड झाली असून, श्रीमती जयश्री राकेश झोपे यांची युनियनच्या महासचिवपदी निवड करण्यात आली आहे. त्यांच्या या निवडीमुळे महिला कामगारांना संघटनात्मक नेतृत्वाच्या क्षेत्रात पुढे येण्यासाठी नवी प्रेरणा मिळणार असल्याची भावना व्यक्त होत आहे.युनियनच्या माध्यमातून महिलांना नेतृत्वाच्या संधी देण्याची परंपरा यापूर्वीही कायम ठेवण्यात आली आहे. याअगोदर वरणगाव फॅक्टरीमध्ये प्रथमच एका महिलेला क्रेडिट सोसायटीच्या चेअरमन पदाची जबाबदारी देण्यात आली होती आता महा सचिवपदाची जबाबदारीही महिलेच्या खांद्यावर सोपविण्यात आल्याने हा निर्णय विशेष महत्त्वाचा मानला जात आहे.श्रीमती जयश्री राकेश झोपे यांची महासचिवपदी झालेली निवड ही केवळ एका व्यक्तीचा सन्मान नसून, महिलांच्या नेतृत्वक्षमतेवर आणि कार्यक्षमतेवर व्यक्त केलेला विश्वास असल्याचे बोलले जात आहे. कामगारांचे प्रश्न, महिला कर्मचाऱ्यांच्या समस्या, त्यांच्या हक्कांसाठी आवाज उठविणे तसेच संघटनेच्या माध्यमातून कामगार हिताचे विविध उपक्रम राबविण्यात त्यांच्या नेतृत्वाचा उपयोग होईल, अशी अपेक्षा व्यक्त करण्यात येत आहे.महिलांना केवळ सहभागी करून न घेता त्यांना संघटनेच्या निर्णयप्रक्रियेत आणि नेतृत्वाच्या अग्रस्थानी स्थान देण्याचे काम युनियनच्या माध्यमातून होत असल्याचे यावेळी सांगण्यात आले. त्यामुळे वरणगाव फॅक्टरीतील महिला कर्मचारी यांच्यामध्ये सुद्धा या निवडीबद्दल उत्साहाचे वातावरण निर्माण झाले आहे नारीशक्तीचा खऱ्या अर्थाने सन्मान करण्याचे कार्य युनियनच्या माध्यमातून होत असून महिलांना नेतृत्वाची संधी देण्याचा हा निर्णय निश्चितच कौतुकास्पद आहे, असे महेश एस. पाटील यांनी कळविले.
