💔 BREAKING NEWS 💔जिल्हा परिषद कर्मचाऱ्यांच्या बदल्यांवर स्थगिती; जनगणना २०२६ पार्श्वभूमीवर शासनाचा निर्णय

💔 BREAKING NEWS 💔

मुंबई, दि. 17 एप्रिल 2026 महाराष्ट्र शासनच्या ग्रामविकास विभागाने महत्त्वपूर्ण निर्णय घेत जिल्हा परिषद कर्मचाऱ्यांच्या सर्वसाधारण बदली प्रक्रियेला तात्पुरती स्थगिती दिली आहे. आगामी जनगणना 2026 च्या पार्श्वभूमीवर हा निर्णय घेण्यात आला आहे.केंद्र सरकारच्या निर्देशानुसार, जनगणना कार्य सुरळीत आणि प्रभावीपणे पार पाडण्यासाठी संबंधित यंत्रणा स्थिर ठेवणे आवश्यक असल्याचे शासनाने स्पष्ट केले आहे. यानुसार जिल्हा परिषद अंतर्गत गट-क आणि गट-ड संवर्गातील सर्व कर्मचाऱ्यांच्या (शिक्षकांसह) सन 2026 मधील सर्वसाधारण बदल्या पुढील आदेशापर्यंत थांबविण्यात आल्या आहेत.या संदर्भात भारत सरकारच्या गृह सचिवांनी जारी केलेल्या आदेशाचा आधार घेण्यात आला आहे. जनगणना अधिनियम 1948 आणि संबंधित नियमांच्या अंमलबजावणीसाठी हा निर्णय महत्त्वाचा मानला जात आहे शासनाने सर्व जिल्हा परिषदांना या आदेशाची तात्काळ अंमलबजावणी करण्याचे निर्देश दिले असून, त्याबाबतचा अनुपालन अहवाल सादर करण्यासही सांगितले आहे.या निर्णयामुळे बदलीची अपेक्षा असलेल्या कर्मचाऱ्यांना काही काळ प्रतीक्षा करावी लागणार आहे. मात्र प्रशासनाच्या दृष्टीने पाहता, जनगणना प्रक्रियेसाठी स्थिर आणि अनुभवी मनुष्यबळ उपलब्ध ठेवणे हा यामागील मुख्य उद्देश आहे.