अखिल भारत हिंदू महासभेच्या महिला आघाडीच्या बीड जिल्हाप्रमुखपदी रूपाली जयंत देशपांडे यांची नियुक्ती
बीड, दि. _ : अखिल भारत हिंदू महासभेच्या महिला आघाडीच्या बीड जिल्हाप्रमुख पदावर सामाजिक कार्यात सक्रिय असलेल्या रूपाली जयंत देशपांडे यांची नियुक्ती करण्यात आली आहे. संघटनेचे राष्ट्रीय अध्यक्ष श्री. किरण राजेंद्र चव्हाण यांनी नियुक्तीपत्र प्रदान करून ही नियुक्ती जाहीर केली रूपाली देशपांडे या सामाजिक, महिला सक्षमीकरण, जनजागृती तसेच विविध समाजोपयोगी उपक्रमांमध्ये सक्रिय सहभाग घेत आहेत. त्यांच्या कार्याची दखल घेऊन त्यांच्यावर महिला आघाडीच्या बीड जिल्हा प्रमुखपदाची जबाबदारी सोपविण्यात आली आहे.
नियुक्तीनंतर रूपाली देशपांडे यांनी संघटनेच्या राष्ट्रीय नेतृत्वाचे आभार व्यक्त करताना, “महिलांचे सक्षमीकरण, समाजात जनजागृती, सामाजिक ऐक्य, सेवा कार्य आणि सर्व समाजघटकांना सोबत घेऊन संघटनेचे कार्य अधिक प्रभावीपणे पुढे नेण्यासाठी मी प्रामाणिकपणे प्रयत्न करेन,” असा विश्वास व्यक्त केला.या नियुक्तीबद्दल विविध सामाजिक, शैक्षणिक, व्यावसायिक व राजकीय क्षेत्रातील मान्यवरांनी त्यांचे अभिनंदन करून पुढील कार्यासाठी शुभेच्छा दिल्या आहेत.
